18.04.2013
မြန်မာနိုင်ငံ ဒီမိုကရေစီရရှိရေး လှုပ်ရှားမှုမှာ ကိုယ်ကျိုးစွန့် အနစ်နာခံပြီး ဦးဆောင် တိုက်ပွဲဝင်ခဲ့တဲ့အတွက် ဒေါ်အောင်ဆန်းစုကြည်အနေနဲ့ တိုင်းမ်မဂ္ဂဇင်းကြီးရဲ့ သြဇာအရှိဆုံး လူပုဂ္ဂိုလ် ၁၀၀ စာရင်းထဲမှာ ၃ ကြိမ် တိုင်တိုင် ရွေးချယ်ခံရဖူးသူလည်း ဖြစ်ပါတယ်။ သတင်းအပြည့်အစုံကိုတော့ ကိုဇော်ဝင်းလှိုင်က တင်ပြပေးထားပါတယ်။
တိုင်းမ်မဂ္ဂဇင်းအနေနဲ့ ကမ္ဘာတလွှား ထူးခြားတဲ့ ပြောင်းလဲမှုတွေ ဖြစ်ပေါ်အောင် ဦးဆောင်ခဲ့ကြတဲ့ နိုင်ငံရေးခေါင်းဆောင်တွေ၊ စီးပွားရေး၊ နည်းပညာ၊ အနုပညာနဲ့ တခြား လူမှုနယ်ပယ်အသီးသီးက ထင်ပေါ် ကျော်ကြားသူ၊ သြဇာရှိသူ ၁၀၀ ကို နှစ်စဉ် ရွေးချယ်ခဲ့တဲ့အကြောင်း မဂ္ဂဇင်း အယ်ဒီတာချုပ် Redhika Jones က ရှင်းပြသွားတာပါ။
ဒီ ၁၀ ပြည့် အထိမ်းအမှတ် အထူး ရွေးချယ်မှုကိုတော့ ဧပြီလ ၁ ရက်နေ့နဲ့ ၁၇ ရက်နေ့ အကြား ကျင်းပခဲ့တာဖြစ်ပြီး စိတ်ဝင်စားသူ ပရိတ်သတ်တွေက အွန်လိုင်းပေါ်မှာ မဲပေး ရွေးချယ်ကြတာ ဖြစ်ပါတယ်။
အမေရိကန် သမ္မတ Barack Obama တို့ ဇနီးမောင်နှံ၊ နိုင်ငံခြားရေး ၀န်ကြီးဟောင်း Hillary Clinton ၊ Oprah Winfrey ၊ Facebook လူမှုကွန်ယက် ကို စတင် တည်ထောင်သူ Mark Zuckerberg နဲ့ တခြား ကမ္ဘာတလွှားက ထင်ရှား ကျော်ကြားတဲ့ ပုဂ္ဂိုလ်တွေကို အသာစီးရပြီး မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် နောက်ဆုံး ဖိုင်နယ် အဆင့်ကို ရောက်လာတဲ့ အချိန်မှာတော့ မြန်မာလူထုအကြား ဒီ အွန်လိုင်း မဲပေးမှုအပေါ် ပိုပြီး စိတ်စားမှု များပြားလာတာပါ။
တဖက်မှာ ဒေါ်အောင်ဆန်းစုကြည်နဲ့ နောက်ဆုံးအဆင့် ယှဉ်ပြိုင်ရတဲ့ သူဟာလည်း ဒေါ်အောင်ဆန်းစုကြည်လို နိုင်ငံရေးသမားမဟုတ်ပဲ အနုပညာ နယ်ပယ်က ကမ္ဘာကျော် အဆိုတော် Lady Gaga ဖြစ်နေတဲ့အတွက် ရင်တထိတ်ထိတ်နဲ့ပဲ မဲပေးခဲ့ရတယ်လို့ အွန်လိုင်းမှာ ကိုယ်တိုင် မဲပေးတဲ့အပြင် တခြား မိတ်ဆွေတွေပါ မဲပေးဖို့ စည်းရုံး လှုံ့ဆော်ခဲ့တဲ့ အဆိုတော် သံသာဝင်းက ပြောပါတယ်။
No comments:
Post a Comment